Foto: Foto:

Column Eddy Oude Voshaar: extreem vroege kerstbomen

We reden vanmorgen al vrog door flarden nevels noar Olnzel hen woar onder de Plechelmus mien schoonmoeder woont. Ze had veur oos een grote pan met oalerwetse zelfgemaakte erwtensoep bereid. Die soep kreg van mie vier of nog meer Michelinsterren.

Ja, die echte Hollandse erwtensoep uut Olnzel, doar kriej nooit genoeg van. Smaakt noar meer en nog meer tot ak bijna uut mekaa knap...!

Onderweg vlakbie een boerderij ergens aan de Oldenzaalsestroat waan'n ze de eerste kerstboom'm nog vol dauwdruppels, in hun laand al aan het rooien! Ik was nieuwsgierig en parkeerde mien auto in de berm en vroeg ik aan een van die jongs dee met een schup een kerstboom aan het rond stekken was: is dat nie vol te vrog? ''Het is moandag al 1 oktober en de bint leu die wilt de kerstboom half november al in huus hebben stoan,'' zei die, ondertussen het zweet van zien kop of vegend. ''Wat is vrog, wat is vrog… Aj te laat bint, blif wie met de boom zitten. Aj wilt, kuj noe a wa vast een kerstboom reserveren, dan hangt wie d'r een kaartje aan met joe naam. Ik zal mien va is vroag'n of ie dan korting kriegt.''

''Ik wil noe nog geen kerstboom man. De boeren bint nog bezig met de mais van het laand of te krieg'n,'' zei ik teeng dat jong die met zien schup in zien hand. ''Dat is mie veuls te vrog! Ik bin nog helemoal niet in de sfeer van kerst. Manman, ik mag d'r nog niet aan denken.''

''Dat zeg ie noe wa, maar ie kunt noe ook al weer baklever en bakbloedworst bie de slager en bie die supermarkten kopen! En wis ie wa dat Kruidvat oos allemoal te snel of is? Wis ie dat wa? Of kom ie nie bie den drogist? Nou, doar hebt ze noe a de poaseitjes in de winkel ligg'n. Trouwens, in de Pruus bint winkels doar ku'j het hele joar deur alles wat met kerst te maak'n hef, koop'n. Noe, mot ik die een kerstboom reserveren? Mien va zeg: aj noe een kerstboom bestelt, kriej zolang de veurroad strekt een pakje met echt engelenhoar van de engelbewaarder van mien pa en een piek bie! Of woj wochten tot januari?''

Meer berichten




Shopbox