Logo nieuwedinkellander.nl


Foto: Foto:

Column Eddy Oude Voshaar: hij is er nog steeds geen van Siemerink

"Ie komt mie zo bekend veur, bien ie nie een van Siemerink van het Hannekerveld? Heet joe va toevallig ook Gerard Siemerink? Nee? nou ie liekt precies op een van de Siemerinks. Dat rossige hoar en dat donker uut kiek'n...''

''Mien vrouw zei nog, dat is er vast een van Siemerink. Zien va komp uut Onzel, nee die niet uut Berghuizen - dat is een andere Siemerink - maar aangetrouwd. Den hef altied op de bouw gewerkt als opperman en hij was gek op laurierdrop.''

''Wat kon die kerel werken! Hij hield drie metselaars aan het werk op de bouw en dan had hij ook nog tied over om een pakje zware Van Nelle elke dag op te rook'n!''

''Dat soort leu bint zeldzaam geworden. Die bint d'r niet meer. Nee, die worden er niet meer geboren. En toen kreeg hij zo op een dag een ziekte in zien borst en kwam hij aan de zuurstoffles. Nou, ik dacht: die kerel wordt vast honderd joar, zo sterk en altied aan het werk op de bouw.''

''Maar ik bedoel eigenlijk die Siemerink die in de boeskoolstad woont. Zien vrouw hef altied op het kantoor van Gelderman werkt. Ze hebt vier kinderen waarvan de oudste naar het klein seminarie in Den Bosch is goan om priester te worden. Den jong was zo vroom dat zien vingers altied nat waren van het wijwater. De catechismus had hij ook altied in zien binnentuk bie zich.''

''Maar doar achter die grote Sint Jan's kathedraal hef hij een meisje met een zachte G ontmoet die doar leerde veur non. Ze hebt elkaar doar achter die grote kerk gevonden en bint verliefd op mekaar geworden. En toen mocht den jong van Siemerink niet meer noar het groot seminarie hen.''

''Ze bint toen getrouwd in de Plechelmus in Olnzel en ze hebt een jongen gekregen, en mien vrouw dacht dat ie doar een zoon van was. Mien vrouw hef het ook wel eens mis, maar ja vrouwleu mait geern proat'n en zo komt de verhalen in de wereld woar niemand wat an hef, maar woar wie wa urenlang over kunt proat'n.''

''Dus doa bin ie geen familie van? Joe va komt uut Lonneker zeg ie? Nou, dat is dan weer een heel ander verhaal. Maar jullie bint wel familie van den Siemerink uut Oldenzaal toch? Dat weet ie nie? Jong, doe wees toch van wie as doe familie bis! Wat zegs mie noe? Doe bis d'r geen van Siemerink? Woar bis doe d'r dan een van?''

Reageer als eerste
Meer berichten


Shopbox