Logo nieuwedinkellander.nl


Eddy Oude Voshaar: lente aan de Honingloweg

"Gelukkig heb wie die koal had," zei de oale man die zijn herdershond uitliet op de Honingloweg.

"Man wat was het koald," zei hij tegen mij. "Die hond van mie wol niet noar buut'n hen met die koale poolwind. Ik heb hem maar in een emmer loat'n poepen, en dat was niet makkelijk. Ik heb wel een uur as het niet langer is met die emmer achter hem aan moeten lopen bie oos in de schuur.

Maar niet geklaagd, eindelijk is het noe lente! En aj dan achteruut kiekt dan duurt het verdomme lang veur dat het een beetje zacht is buut'n. Maar wie bint de nog nie. Wie bint de nog lang nie. In mei kuj pas sprekken van zacht mooi veurjoar. Maar dat hoef nie.

Wie hebt veur twee joar nog had dat het de hele maand in mei regend hef. Mien mo zei dan altied om de moed er in te hoal'n: meiregen is groeiregen.

En toen hef oos Johan die zo klein van stuk is op een dag in mei wel een paar uur buut'n in de reeng loop'n. En weej, het hef niks holpen en hij is nog steeds de kleinste bie oos in huus.

Maar oos Johan hef wa Jos en en Rita overleefd. Die waren nog langer as ik was. Ja wás, want aj oaler wordt dan krimp ie vanzelf.

Heb ie al zien dat de magnolia's en ribes nu ook al in bloei stoat? Nee? Nou, aj iets verder loopt de Hooimaatweg in dan ziej doar in de tuun van Siemerink een van de mooiste veurjoarsbomen van Losser stoan. Die boom is poot net noa de Tweede Wereldoorlog. In 1945. Niet dat ik doar bie was maar mien va hef oos dat vertelt.

Toch is het noe nog wel fris vin ie nie?

Die nieuwbouw komt ook steeds dichter bie hier.
Mien vrouw zei nog: straks zit wie hier aan de Honingloweg nog midden in Losser as het zo vedan get met het bouwen van al die woningen.
Vroeger konden we nog zien wie deur de deur van oale toren ging om de klokken te luiden in de oale toren, noe kuj vanaf ooze weg alleen nog maar het dak zien van de oale toorn en overal woar wie keken waren weilanden vol met grazende koeien tot wa aan de Oldenzaalsestroat.

Weej wat dat is? Een mens is nooit tevreden. Dat is een mens trouwens as wie tevreden waren gingen wie ook niet meer hen werken! Nee, een mens moet ontevreden ween'n. Bin ie wel tevreden dan?

Kom, ik goa is verder want den hond van mie kek mie zo ontevreden aan."

reageer als eerste
Meer berichten


Shopbox